- Lovin Saudi | لوڤن السعودية
- Posts
- ...
...
Augustus Media FZ LLC
March 12, 2026
🙏🏻💚 أهلاً بك في نشرتنا الأسبوعية من لوڤن السعودية
أخبار رهيبة تنتظرك … جاهز؟🇸🇦
متحمسين كالعادة نشارككم آخر الأخبار اللي تهمكم: السعودية تسمي 2026 عام الذكاء الاصطناعي، والجائزة الرسمية تؤكد إقامة سباق السعودية الكبرى للفورمولا 1 في موعده، وأبو حش يختار “تجارته مع الله” ويفطّر آلاف المسلمين كل رمضان، بينما اليوتيوبر تشانكر يودي مناسك العمرة، ويوم العلم السعودي يحكي حكاية علم ماينكس أبداً
NEWS
خطوة تقرّبنا لمستقبل تقني
مو جديد على السعودية تسمي أعوام بأسماء تحمل رمزية… بعد ما احتفت بالثقافة والقهوة والإبل، جاء الآن الدور على التقنية والابتكار
وش السالفة؟
في السنوات الماضية، كان عندنا مثلاً
2022 – عام القهوة السعودية
2024 – عام الإبل
والهدف من هالمبادرات كان تسليط الضوء على عناصر مهمة من الثقافة والهوية السعودية ودعم القطاعات المرتبطة فيها
أما الآن… جاء دور التقنية
تمت تسمية 2026 بعام الذكاء الاصطناعي لدعم الابتكار وتسريع التحول الرقمي في المملكة
وش المطلوب من هالعام؟
دعم الابتكار في التقنيات المتقدمة
تطوير الكفاءات الوطنية في الذكاء الاصطناعي
تعزيز الاقتصاد الرقمي في المملكة
💡 الخلاصة
من القهوة والإبل إلى الذكاء الاصطناعي… رحلة السعودية تثبت كيف توازن بين الأصالة وصناعة المستقبل، وتفتح باب الابتكار لكل شخص يفكر يترك بصمته في عالم التقنية
NEWS
جدة على موعد مع سباق الفورميلا
مو كل خبر يطلع يعني انه صحيح… الأيام الماضية تداولت بعض وسائل الإعلام ادعاءات عن احتمال إلغاء جائزة السعودية الكبرى للفورمولا 1 بسبب الأحداث الأخيرة في المنطقة
وش السالفة؟
الحساب الرسمي للجائزة كمل ينشر محتواه المعتاد وهذا اعتبره المتابعون تأكيد ضمني أن السباق راح يكون في موعده المحدد بدون أي تغييرات
💡 الخلاصة
السباق مستمر… وكل الأخبار عن الإلغاء مجرد تكهنات، والجمهور يقدر يجهز نفسه لمتابعة الحدث الكبير في موعده
NEWS
راية التوحيد تاريخ يمتد لعقود
اليوم نحتفل بالعلم السعودي… لكن كل جزء فيه له حكاية عن قوة، وحدة، وإرث تاريخي
وش السالفة؟
راية التوحيد: في الدولة السعودية الثانية، انضافت كلمة التوحيد “لا إله إلا الله محمد رسول الله”، وصار العلم يعبر عن المنهج والقوة والوحدة
سيف العز والعدل: المؤسس الملك عبدالعزيز - طيب الله ثراه - أضاف “السيف المسلول” تحت كلمة التوحيد، وصار شكل العلم قريب جدًا للي نشوفه اليوم… رمز للقوة والحزم
11 مارس.. يوم العلم
هذا التاريخ اعتمد الملك عبدالعزيز الشكل النهائي للعلم والقياسات اللي نعرفها اليوم والعلم السعودي هو الوحيد في العالم اللي ممنوع ينكّس احترامًا لكلمة التوحيد
الخلاصة 🌟
علم السعودية أكثر من رمز… هو تاريخ ووحدة وقيم، ويوم العلم مناسبة نتذكر فيها الإرث الوطني والقيادة الحكيمة اللي رسمت ملامح الدولة عبر التاريخ
SHARABLES
…بعض المواضيع اللي ممكن تهمك
NEWS
خير سفير للسعودية في قلب أفريقيا
مو كل تجارة تكون فلوس… بعض الناس يختار تجارة مختلفة، تجارة أجرها عند الله
وش السالفة؟
صانع المحتوى السعودي حشيان الحشيان المعروف باسم أبو حش، تعوّد كل رمضان يسافر لقرى في أفريقيا عشان يفطّر آلاف المسلمين من حسابه الشخصي
وهالسنة كانت البداية من زنجبار… يطبخ ويوزع الأكل بنفسه ويشارك الناس فرحتهم وقت الإفطار
من زنجبار إلى كينيا
بعدها يزور قرى في كينيا، يجلس مع الأهالي على الأرض، ياكل من أكلهم ويشاركهم يومهم بكل بساطة… وهذا التواضع خلاه قريب من قلوبهم بسرعة
“تجارتي مع الله”
كثير نصحوه يستثمر فلوسه أو يفتح مشروع، لكن أبو حش يقول إن أعظم استثمار بالنسبة له هو تجارته مع الله ومصدر دخله من محتواه وإعلاناته، لكنه يخصص جزء منه لإفطار الصائمين
💡 الخلاصة
مبادرة بسيطة، لكن أثرها كبير… وأبو حش صار مثال جميل للعطاء وبصمة خير باسم السعودية في قرى بعيدة
NEWS
رابع عمرة لنجم بيتا سكواد
مو كل الصور تعطي إحساس مختلف… لكن صورة اليوتيوبر البريطاني من أصول صومالية أمين محمد المعروف باسم تشانكز وهو محرم بجوار الكعبة فعلًا كانت مميزة
وش السالفة؟
تشانكز نجم بيتا سكواد، معروف بمقالبه وضحكته وتحدياته الرهيبة، لكنه هذه المرة شاركنا جانب مختلف عن حياته
هذي رابع عمرة له، وطلّتها بينت فخره بدينه وتواضعه اللي خلاه قريب من الناس
💡 الخلاصة
مو بس مشهور على الإنترنت… تشانكز قدر يورينا جانب إنساني وديني جميل، ويذكّرنا إن التواضع والنية الطيبة يلمسون القلوب مهما كان الشخص مشهور
