- Lovin Saudi | لوڤن السعودية
- Posts
- إنجاز سعود وتبريد الرياض وصعود الدرعية
إنجاز سعود وتبريد الرياض وصعود الدرعية
Augustus Media FZ LLC
May 24, 2026
🙏🏻💚 أهلاً بك في نشرتنا الأسبوعية من لوڤن السعودية
أخبار رهيبة تنتظرك … جاهز؟🇸🇦
متحمسين نشارككم أخبارنا الرهيبة: من عنوان حياة سعود عبدالحميد، لمشروع تبريد الرياض الضخم، ومن صعود الدرعية التاريخي لروشن، لطفلة الدرعية اللي بكتها الكورة، وصولًا لحماس ليز لكأس العالم 2026 بالسعودية
NEWS
أول سعودي يحقق كأس فرنسا
"مع الأيام راح يبان".. كلمة قالها سعود عبدالحميد ببداياته وهو يقرأ كتاب "الفوز بكل شيء"، واليوم الكلمة صارت واقع! تعب السنين والكفاح جاب نتيجته، وسعود صار أول سعودي يحقق كأس فرنسا في الدوريات الكبرى
وش السالفة؟
سعود ما وقف عند الطموح وبس، اشتغل على نفسه وطلع من منطقة الراحة وضحى كثير عشان يثبت نفسه في أقوى دوريات العالم عشان يثبت ان اللي يبي شي ويشد حيله بيوصل له، وسعود أثبتها للكل بعزيمته وإصراره
رسمياً حتى 2029.. لانس يتمسك بالنجم السعودي
البطولة ما كانت كل شيء؛ بعد ما قدّم موسم كبير ومستويات خلت الكل يحترمه، نادي "لانس" قرر يكمل المشوار معه وجدد عقده رسمياً حتى 2029 خطوة تكريم يستحقها بجدارة وتؤكد إن الشغل والتعب ما يضيع أبد
💡 الخلاصة
سعود عبدالحميد ما هو مجرد لاعب محترف، سعود صار نموذج ملهم لكل شاب عنده حلم طلع، وتغرب، وتعب، واليوم جلب الذهب في ملاعب فرنسا
NEWS
الحر لعب فينا
في خطوة جديدة لتحسين جودة الحياة بالعاصمة ومواجهة حرارة الصيف الرياض جالسة تشتغل على حلول جذرية وعملية عشان تبني مدينة أكثر استدامة ومرونة على المدى الطويل
وش السالفة؟
اختارت الهيئة الملكية لمدينة الرياض شركة بلانيت إس إيه اليونانية لتكون المستشار الرئيسي لمشروع تبريد الرياض ضمن برنامج الرياض الخضراء والمشروع يهدف لدراسة التحديات الحرارية ووضع حلول عملية لخفض درجات الحرارة خصوصًا مع النمو العمراني الكبير وخلال 12 شهر بيتم إعداد استراتيجية تشمل تطوير إرشادات للتخطيط العمراني ودراسة مواد البناء واختيار 5 أحياء تجريبية لتطبيق واختبار حلول التبريد
الخلاصة 🌟
المشروع يعتبر امتداد لجهود برنامج الرياض الخضراء اللي يهدف لزيادة المساحات الخضراء وتحسين جودة الهواء وملف الاستدامة صار جزء أساسي من مستقبل الرياض مو بس بالشكل الحضري بل بتفاصيل الحياة اليومية
NEWS
فارس العوجا بين الكبار
دايمًا الدرعية ترتبط في أذهاننا بالتاريخ والعراقة بس اليوم جالسة تكتب تاريخ جديد ومختلف في عالم المستديرة ونادي الدرعية سطر قصة نجاح ملهمة وصعود تاريخي لدوري روشن بقيادة طموحة وعمل صامت
وش السالفة؟
الحكاية انطلقت في 14 يوليو 2024 مع اعتماد مجلس الإدارة وفي إبريل 2025 حققوا لقب دوري الدرجة الثانية وما وقف الطموح هنا وكملوا المشوار عشان يتوجون هالكفاح بصعود تاريخي ولأول مرة إلى دوري روشن في 23 مايو 2026 وهالإنجاز وراه سمو رئيس النادي الأمير خالد بن محمد بن سعود اللي كان رهانه في محله يوم وثق بالمدرب الوطني خالد العطوي وأكد إن الاستراتيجية الجاية تعتمد على الاستقرار والهدوء عشان يضمنون البقاء والمنافسة القوية
💡 الخلاصة
الدرعية اليوم مو مجرد تاريخ عريق بل صارت قلب نابض بمواهب شابة تصنع المستقبل وفارس العوجا يجهز نفسه ومدرجه عشان يثبت مكانه المستحق بين الكبار
SHARABLES
…أشياء ممكن تهمك
NEWS
اللاعب يعتذر وطبيبة سعودية تتكفل بعلاجها
في مباراة التأهل لدوري المحترفين، سدد لاعب العلا "جوانكا" كورة قوية بالخطأ جت بوجه طفلة في المدرج والكورة كانت قوية لدرجة خلتها تبكي طول المباراة من شدة الألم
وش السالفة؟
اللاعب ما تحمل دموعها اعتذر لها أول مرة من وسط الملعب، ولما شافها مستمرة تبكي راح لها بنفسه عند المدرج واعتذر لها مرة ثانية في لقطة تفاعل معها الكل وأشادوا بأخلاقه
مبادرات عشان خاطر الطفلة
بعد انتشار المقطع، انطلقت مبادرات سريعة تبرد الخاطر؛ طبيبة سعودية أعلنت تكفلها بعلاج أسنان الطفلة مجاناً لو تضررت من الكورة، والناس ما قصروا وشاركوا بتقديم دعم مادي وهدايا عشان يراضونها
💡 الخلاصة
من الآخر.. كورة طايشة ودموع طفلة تحولت للمسة وفاء ومبادرات إنسانية تذكرنا بجمال وشهامة مدرجاتنا والناس الطيبة اللي تنجد بالوقت المناسب
NEWS
حماس المونديال غير مع ليز
فيه ناس تتابع الكورة وفيه ناس تعيشها بكل تفاصيلها ومع اقتراب كأس العالم فيفا 2026 قررت ليز ترفع الحماس في السعودية من بدري بصفتها راعي رسمي للبطولة عشان تعطي الجماهير فرصة يعيشون التجربة بطريقة مختلفة تمامًا
وش السالفة؟
ليز أطلقت فعالية حفلة المشاهدة الكبرى أو إيبك واتش بارتي وتجربة نجم المشجعين لأول مرة بالمملكة والمفاجأة الأكبر هي برنامج يختار مشجعين للفوز بتذكرتين كبار الشخصيات أو في آي بي وتجربة بجانب الملعب بعد المباراة وكأس خاص باسم مشجع المباراة وحتى ظهور على الشاشة الرئيسية وكل اللي عليك تسويه هو إنك تمسح رمز الكيو آر الموجود على عبوة ليز وتشارك
لمة النجوم وفخر الصناعة المحلية 🌟
ليز رجعت لمة النجوم من جديد بقروب واتساب يجمع سالم الدوسري ومصعب الجوير ونواف العقيدي مع الأساطير حسين عبدالغني ومحمد نور لسوالف وتحليلات الكورة وأكد الرئيس التنفيذي لقطاع الأغذية بشركة بيبسيكو إن تأهل المنتخب للمرة الثالثة فخر كبير وإن ليز مرتبطة بالمملكة من سنوات وتصنع محليًّا باستخدام بطاطس سعودية مية بالمية
💡 الخلاصة
اللي يبغى يعيش أجواء حفلة المشاهدة الكبرى أول بأول يتابع حسابات ليز الرسمية على المنصات وهي حساب ليز أرابيا وحساب ليز فوتبول وعيشوا حماس المونديال من الحين
