متحمسين كالعادة نشارككم آخر الأخبار التي تهمكم وتصنع الفرق؛من بطولات صنّاع المحتوى ، لخير المملكة اللي فطّر 21 ألف إندونيسي، ومن رجعة 'الخلاط' بس هالمرة في الملعب، لوقفة الدعم اللي جبرت خاطر 'لولو'، وصولاً لمفاجآت فنية مرتقبة بين الرياض والقاهرة

هالأسبوع مليان قصص تحسّها قبل ما تقراها

NEWS

أقوى بطولات رمضانية وتحديات بين صنّاع المحتوى 🔥🌙

رمضان هالسنة مليان حماس ومنافسة بين صناع المحتوى اللي نحبهم، وهذي قائمة بأقوى البطولات اللي بتشعل ليالينا ومسابقات جوائزها تفتح النفس

بطولة حروف مع عزيز

 خريطة وخلايا! تجاوب صح، تختار حرف الجولة الجاية، والهدف إن فريقك يشبك خط متصل بنفس لون الفريق عبر الخلايا، والفايز بالبطولة بيشيل 100 ألف ريال

🧩 تحدي الصور مع أبو عمر

 رموز وتلميحات تشغل المخ! كل رمز يدلك على كلمة أو جزء منها، يبيلك تربط بين الصور عشان تستنتج الكلمة المخفية، واللي يحل أكبر عدد هو الفايز.. وجائزة البطولة 100 ألف ريال

❓ سين جيم مع ويلي

 مسابقة ثقافية تفاعلية بين فريقين فيها 36 سؤال، وكل سؤال له نقاط محددة موزعة على قوائم مختلفة، وهدف كل فريق يجمع أكبر عدد نقاط، والفايز بالبطولة بياخذ 20 ألف ريال

⚽ تقسيمة مع طارق الحربي

 بطولة وتصفيات كروية رمضانية بين صنّاع المحتوى، لعب ومنافسة وأجواء حماسية في الملعب ما تتفوت أبد، وبطل هذي التقسيمة له 100 ألف ريال

💡 الخلاصة

صناع المحتوى مجهزين لنا ليالي مليانة حماس وجوائز دسمة تبرد القلب.. جهزوا الفيمتو واللقيمات وخلوكم جاهزين للمتعة والمنافسة 🔥🌙

NEWS

ألف إندونيسي يفطرون في سورابايا ضمن برنامج الملك سلمان

خير السعودية وعطائها في شهر الخير ما يعرف مسافات ولا حدود، وموائدنا ممدودة من قلب الرياض لين أقصى شرق آسيا عشان نشارك إخواننا المسلمين فرحة الإفطار واللحظات الروحانية

وش السالفة؟ 

المملكة عبر برنامج الملك سلمان الرمضاني قررت توصل الخير لمحبي رمضان في كل مكان، من هدايا التمور إلى موائد الإفطار وهالمرة كانت الوجهة مسجد سورابايا الكبير، واجتمع فيها آلاف الناس عشان يعيشون لحظات جميله مع بعض 

الحضور واللحظات المشتركة

جمّع 21 ألف إندونيسي في المسجد للإفطار، كلهم معاً في أجواء دافئة مليئة بالفرحة والمحبة ماكان الإفطار مجرد وجبة، بل تجربة مشتركة من الفرح والسكينة، ورسالة صادقة من المملكة للتقارب والتلاحم بين الشعوب

المبادرة والعطاء السعودي

الفعالية جزء من برنامج الملك سلمان الرمضاني، اللي يشمل هدايا التمور وموائد الإفطار، عشان توصل رسالته إلى المجتمعات الإسلامية في جميع أنحاء إندونيسيا بتوجيهات كريمة من خادم الحرمين الشريفين وسمو ولي العهد، أكدت المبادرة أن العطاء السعودي يتجاوز الحدود ويوصل لكل قلب محتاج ويزرع البهجة في رمضان

💡 الخلاصة

 الي بدا كمبادرة بسيطة تحول إلى رسالة خير ومحبة حقيقية تصل القلوب من السعودية إلى سورابايا، يظل العطاء السعودي مثالاً حيّاً للتلاحم والدعم الإنساني، ولحظات رمضان المباركة تبقى محفورة في ذاكرة كل من عاشها

NEWS

الخلاط يرجع… لكن كنادٍ رياضي

مو كل رجعة تكون بفيلم جديد… أحيانًا تكون داخل ملعب 👀⚽

الخلاط هذه المرة ما رجعوا بشخصيات على الشاشة، رجعوا كلاعبين في بطولة رمضانية بطابع مختلف تمامًا

وش السالفة؟

نادي الخلاط مو نادي تقليدي أبدًا

الفريق مكوّن من ممثلين، مخرجين، وصُنّاع محتوى قرروا يبدّلون الكاميرات بالكور، والاستديو بالملعب، ويشاركون في بطولة احترافية بأجواء كأنها مشهد سينمائي متكامل

الحماس يتعدّى الملعب

الموضوع ما وقف عند المباراة

حتى الشعر دخل على الخط! سوو قصيدة خاصة بالفريق تمدحهم وتوثّق التجربة بأسلوب ملحمي، وكأننا قدام قصة بطولية مو مجرد مشاركة رمضانية

💡 الخلاصة

إيه، الخلاط خسروا المباراة…لكن القصة ما انتهت لأن أحيانًا الفوز مو بالنتيجة، الفوز إنك تصنع لحظة، تعيش تجربة، وتخلّي الناس تتكلم عنها والخلاط؟ قدروا يسوّونها بطريقتهم 🎬⚽

SHARABLES

…بعض المواضيع اللي ممكن تهمك

وزارة الداخلة رجعت فتحت أول مقر لها بالرياض

نائب أمير مكة في الحرم

اخر رحلة داخلة بصالة خمسة بمطار الملك خالد

لقاء وليد الفراج مع المديفر في الليوان

NEWS

بسطة لولو… سند ودعم ما يوصف

مو كل بداية تحتاج فلوس… أحيانًا تحتاج وقفة من القلب ❤️

لولو بنت طموحة قررت تفتح بسطة، بس الدعم اللي حصلته كان أعلى من أي كلام

وش السالفة؟ 

أهلها من فئة الصم والبكم وقفوا معها، شجعوها، وكان دعمهم بصوت أعلى من أي كلمة. هذا الوقوف خلاها تبدأ أول خطوة في مشروعها بكل ثقة

ومن أول ما انتشرت قصتها، الناس ما قصّروا أبدًا… الكل صار يمر عليها، يشتري، يدعم، ويشجع، لدرجة إن المشهور سبايكي حضر بنفسه ليشاركها الدعم ويزيد من دفعة معنويتها

الدعم أثره أكبر من الكلام

 الأجمل في قصة لولو إن الدعم مو بس مادي

الحضور، التشجيع، والتقدير كانت قوة حقيقية أعطتها ثقة كبيرة، وحسستها إن ما تمشي هالمشروع وحدها، بل كل الناس حواليها واقفين معها

الخلاصة 🌟

قصة لولو تثبت إن الكلمة الطيبة والوقفة الصحيحة ممكن تغير حياة كاملة الدعم مو بس مادي… الدعم حضور، تشجيع، ومشاركة فرحة البداية

NEWS

تركي آل الشيخ في القاهرة.. مفاجآت فنية سعودية مصرية بالطريق 

الفن والثقافة دايم تجمعنا، وهالمرة اللقاء يبشر بمشاريع ضخمة بتولع الساحة الفنية وتغير المشهد

وش السالفة؟ 

خلال زيارته للقاهرة، التقى معالي المستشار تركي آل الشيخ وزيرة الثقافة المصرية عشان يناقشون مشاريع تعاونية جاية في الطريق المناقشات شملت مجالات كبيرة ومهمة زي الموسيقى والأوبرا والسينما، والناس كلها متحمسة وتنتظر وش اللي جاي ومخبى لنا هذي الخطوة تلمح لمفاجآت ومبادرات نوعية قادمة، والهدف منها تعزيز التبادل الفني وتوسيع الفرص الإبداعية في كل أنحاء المنطقة

💡 الخلاصة

تعاون سعودي مصري جديد بيثري المشهد الثقافي وبيفتح أبواب للإبداع ما لها حدود.. ننتظر ونشوف الإبداع اللي بيطلع من هاللقاء

تابع أفضل المقابلات والقصص المؤثرة على لوڤن شو🎥