- Lovin Saudi | لوڤن السعودية
- Posts
- ..
..
Augustus Media FZ LLC
January 26, 2026
🙏🏻💚 أهلاً بك في نشرتنا الأسبوعية من لوڤن السعودية
أخبار دسمة تنتظرك … جاهز؟🇸🇦☕️🍫👩🍼🚝
متحمسين كالعادة نشارككم آخر الأخبار التي تهمكم وتصنع الفرق؛ من هوت تشوكلت يدفي برد الرياض، وقهاوي بأفكار مجنونة، لمحاصيل بن من خير أرضنا، لقصص إنسانية ولحظات تاريخية بالمترو.. 🇸🇦✨هالأسبوع دافي بمشاعره وتجاربه اللي ما تتفوت
NEWS
❄️🍫برد الرياض يبي له كذا
يا أهل الرياض، البرد دخل علينا رسميًا! وبهالأجواء ما فيه شيء يعدل المزاج ويدفيك غير كوب هوت تشوكلت "ملغّم" ولذيذ، جهزنا لك قائمة لأماكن فاهمة اللعبة صح وتخلي شتاك أدفى
:جمعنا لك ٥ أماكن رهيبة وما تتفوت
كافا: للي يبي روقان وطعم شوكولاتة يذوب في القلب بحي الربيع
كلتورا: قهوة وفن وتصميم يفتح النفس بحي الغدير والريان، مكان متكامل
هاف مليون: الخيار المضمون والكلاسيكي اللي تحصله بكل مكان حولك
محمصة صوت: خبرة التحميص طالعة في طعم الهوت تشوكلت المتوازن بحي النرجس
بيلونق: تبي فخامة ومارشميلو وديكور يواجه؟ هذا مكانك بحي النزهة
القائمة عندك، والبرد موجود.. باقي بس تختار وجهتك وتعزم اللي تحبه على كوب يصنع يومكم، بالعافية مقدمًا
NEWS
❤️🇸🇦..موقف أبوي
في قصة حبست الأنفاس ولمست مشاعرنا كلنا، أثبتت السعودية مرة ثانية إنها مو مجرد دولة، هي "بيت كبير" وحضن دافي لكل من يعيش على أرضها
الطفلة السودانية "العنود الطريفي" اللي فقدت أهلها في حادث مؤلم، ظهرت في فيديو عفوي وصادق هز السوشيال ميديا، وهي تعبر عن شعورها بالأمان في المملكة وتقول جملتها "في المملكة رائحة أهلي" وبسرعة، تفاعل سمو أمير القصيم الدكتور فيصل بن مشعل مع الحالة، وما اكتفى سموه بإصدار التوجيهات لرعايتها وترتيب إقامتها، بل زارها بنفسه في المستشفى وتطمن على صحتها، في لفتة أبوية جميلة تؤكد أن المسؤول هنا هو أب قبل أن يكون أمير
الله يحفظ العنود ويعوضها خير، وموقف غير مستغرب من قيادتنا وشعبنا اللي يثبتون كل يوم إن "الإنسانية" هي الهوية الحقيقية للسعودية
NEWS
☕️من خير أرضنا.. شيء يواجه
القهوة عندنا هي إرث ومزاج! واليوم صرنا نشوف خيرات أرضنا تنافس المحاصيل العالمية.. إذا تبي تجرب طعم "الأصالة" وتدعم المحلي، هذا القائمة لك
:٣ محاصيل سعودية فاخرة لازم تكون في ركن قهوتك
الخولاني: زعيم القهوة من جبال جازان، طعم موزون وعطري، ورمز ثقافي مسجل باليونسكو
الشدوي (النادر): الذهب الأخضر من قمم الباحة، محصول نادر وفاكهي لأصحاب الذوق الرفيع
البن الهرري (السعودي): نفس السلالة الإثيوبية العريقة بس صارت تنزرع بأرضنا، نكهات بين الشوكولاتة والحمضيات
كل رشفة من هالقهوة هي دعم لمزارعينا وشبابنا اللي حولوا الجبال لمنتجات ترفع الراس.. جربها وخلك "كيّيف" وطني
SHARABLES
…بعض المواضيع اللي ممكن تهمك
NEWS
..عش تجربة جديدة مع هذي القهاوي
الرياض صارت مدينة ما تعرف الملل! القهوة ما عادت بس جلسة وسوالف، صارت "تجربة" كاملة.. إذا تدور فعاليات جديدة مع قهوتك، جبنا لك أماكن بتغير جوك 180 درجة
وش ممكن تسوي مع كوب قهوتك
قهوة دهماء: صر نجار! اشرب قهوتك وانحت على الخشب وأبدع بيدك
قهوة حياة الطبيعية: روق وسط مشتل وزهور وبط يتمشى حولك
قهوة غفوات: تبي تعزل؟ كبسولات خاصة فيك للعمل أو اللعب أو مشاهدة الأفلام بخصوصية تامة
قهوة السقيفة: التحدي هنا! أكثر من 250 لعبة بورد قيمز للضحك والمنافسة
سواء تبي هدوء، فن، أو حماس.. الرياض مخبية لك أماكن رهيبة.. لا تتردد وجرب شي جديد هالويكند
NEWS
🚇👶مبروك.. أغرب ولادة بالرياض
في سابقة تاريخية ولأول مرة، محطة مترو الرياض ما كانت مجرد مكان للعبور، بل صارت مكان لـ "بداية حياة"! قصة لطيفة وغريبة صارت حديث الكل اليوم
تحولت محطة الأندلس وسط الرياض من مجرد نقطة عبور يومية إلى مكان لاستقبال حياة جديدة، احتفى النقل العام لمدينة الرياض بحدث لأول مرة في تاريخ الشبكة، ولد “أول مولود” داخل المحطة، لحظة استثنائية قلبت جو المحطة وصارت حديث الكل في الرياض، تحول طاقم المحطة ورجال الأمن لأبطال حقيقيين، ساعدوا الأم واحتووها بمهنية عالية لين تمت الولادة بسلام ووصل الإسعاف.. وش اللي صار بعدين؟ إدارة المترو ما قصرت، وكرمت الوالدين بهدية "بطاقات درب درجة أولى" مجانية لمدة سنة