متحمسين كالعادة نشارككم آخر الأخبار اللي تهمكم: من استعدادات الحج الاستثنائية، ومن حصاد 10 سنوات لرؤية 2030، للتحول الكبير بسوق العمل السعودي، لقصة بطلة الجوف اللي صنعت المعجزة، وصولاً لتأثير ماكدونالدز الضخم باقتصادنا

NEWS

كيف جهزت المملكة تجربة استثنائية لحجاج هالعام؟ 🕋📱

دايم نسأل نفسنا كيف المملكة تقدر تدير هالملايين في مساحة جغرافية صغيرة وبوقت واحد والسر بكل بساطة يكمن في الاستعداد المبكر اللي يعكس نضج التخطيط ويضمن انسيابية خرافية في التنفيذ

وش السالفة؟ 

الاستعدادات لحج هالسنة ما بدأت قبل شهرين بل بدأت من يوم 12 ذي الحجة العام الماضي وتم الانتهاء من عقود السكن والنقل والتأشيرات قبل الموسم بفترة طويلة وعشان ترتاح ضيوف الرحمن الذكاء الاصطناعي داخل بقوة عبر خدمة "حاج بلا حقيبة" اللي توصل عفش الحاج دايركت لسكنه وتم تعميم بطاقة "نسك" الذكية المزودة بمستشعرات تنظم دخول المخيمات

عيون ساهرة وذكاء اصطناعي 👁️ 

عشان تضبط حركة هالحشود المنظومة وفرت مركز رصد وتحكم مربوط بأكثر من 200 جهة بشاشات تراقب الكثافة لحظيًا وتحلل البيانات وتتنبأ بالزحمة قبل لا تصير وهالتعب جاب نتيجة لأن مستوى رضا الحجاج العام الماضي وصل 91% وفي العمرة 94%

💡 الخلاصة

المنظومة مجهزة بخطط تشغيلية مرنة وإجراءات وقائية تضمن بيئة آمنة ومستقرة لأن خدمة ضيوف الرحمن مو مجرد عمل تنظيمي بل هي شرف تتسابق عليه كل قطاعات المملكة 

NEWS

وش صار بعد 10 سنوات على رؤية 2030 🇸🇦✨

قبل عشر سنوات أعلنت السعودية عن رؤية 2030 ووقتها كان الكلام كبير والطموح أكبر والناس تساءلت هل ممكن دولة بحجم السعودية تغير اقتصادها خلال عقد واحد؟ واللي صار ما كان مجرد تنفيذ بل إعادة تشكيل للبلد

وش السالفة؟

التغييرات صارت تبان في كل زاوية والاقتصاد اللي كان معتمد على النفط دخل مراحل من التنويع وصارت قطاعات السياحة والترفيه والتقنية أساسية والتغيير وصل للناس بشكل مباشر وصارت فكرة إنك تحضر فعاليات عالمية ببلدك أو تشوف مدنك وجهات سياحية جزء من الحياة اليومية

مستهدفات تحققت قبل موعدها 🎯

 مع الوقت بدأت النتائج تتكلم ومستهدفات كانت محسوبة على 2030 تحققت قبل موعدها والسياحة سجلت أرقام قياسية ومشاركة المرأة بسوق العمل ارتفعت والتحول ما كان عشوائي بل كان فيه وضوح بالاتجاه وجرأة بالتنفيذ

💡 الخلاصة

رؤية 2030 ما كانت مجرد رؤية بل نقطة تحول تاريخية والإحساس العام يقول إن اللي صار هو مجرد البداية وإن السنوات الجاية بتكون القصة فيها أكبر بكثير

NEWS

ثلامية واربعين ألف وظيفة جاية؟ وش قاعد يصير بسوق العمل السعودي 💼📈

القصة كلها تدور حول تطوير نظام "نطاقات" اللي كان معروف كتصنيف للمنشآت بس اللي صاير اليوم هو نقلة بالتطبيق تعتمد على المراقبة المستمرة وتقليل التلاعب والرسالة صارت صريحة السوق ما عاد يتحمل شركات ما تواكب وإذا ما التزمت المنشأة بتبدأ تحس بالتضييق من منع التأشيرات لإيقاف الخدمات

بين الفرص والعقوبات ⚖️

 الزاوية الأهم مو العقوبات بل الفرص لأن لما تضيق الخيارات على غير الملتزمة تنفتح مساحات أكبر لوظائف الكفاءات الوطنية وهالتغيير يخص كل شاب متخرج أو موظف يدور فرصة أفضل لأن التوظيف ما عاد مجرد أرقام بل صار تركيز على جودة الوظيفة واستقرارها

الخلاصة 🌟

إحنا قدام تحول جزء من صورة أكبر مرتبطة برؤية 2030 هدفها تمكين أبناء وبنات البلد بسوق عمل مبني على الكفاءات وأكثر تنافسية وعدالة  

SHARABLES

…أشياء ممكن تهمك

احتفالات جمهور الاهلي بالنخبة الآسيوية

قطار من السعودية لتركيا

طريق جديد يربط بين حي لبن ومدينة القدية

عملية فصل التوأم السيامي الفلبيني بالرياض

NEWS

بطلة الجوف.. كيف الجوري العنزي حولت المستحيل لحقيقة 👩‍⚕️🩺

بين فترة وفترة تطلع لنا قصة تثبت ليه أبطال الصحة عندنا هم فعلًا على مستوى عالمي وبطلتنا اليوم الأخصائية الجوري العنزي اللي غيرت حياة طفلة للأبد

وش السالفة؟ 

القصة بدأت مع طفلة صغيرة انولدت بحالة طبية نادرة وواجهت تأخر شديد بالنمو خلاها ما تقدر تمشي ولما أكبر المراكز الطبية العالمية رفضت حالتها واعتقدوا إن تعافيها مستحيل وقفت الجوري بمركز الصحة والقوام بسكاكا وقالت أبشروا بي وحطت لها خطة علاجية مكثفة وشاملة لمدة 10 شهور

10 شهور تصنع المعجزة 🌟

 رغم صعوبة الحالة النتيجة كانت معجزة حقيقية والطفلة اليوم مو بس وقفت بل صارت تمشي وفي مقاطع فيديو خطفت القلب وثقت خطواتها الأولى اللي تعتبر أكبر دليل على خبرة الجوري وعزيمة البنت

💡 الخلاصة

الجوري صارت أيقونة للكفاءة والرحمة ونجاحها يثبت إن كوادرنا الوطنية يتفوقون على المعايير العالمية وهالانتصار رسالة واضحة إن المستحيل نقطة بداية لنجاح جديد 

NEWS

كيف تساهم ماكدونالدز السعودية في دعم الاقتصاد 🍔📊

في وقت نشوف فيه العلامات العالمية تتوسع بالمملكة تبرز ماكدونالدز السعودية كنموذج مختلف مو بس كسلسلة مطاعم بل كلاعب اقتصادي يترك أثر واضح بالمجتمع

وش السالفة؟ 

وفق تقرير من إكسفورد إكونوميكس ماكدونالدز ساهمت بـ 3.6 مليار ريال بالناتج المحلي خلال عام واحد والأهم إن كل ريال يُصرف بمنظومتها يضيف 2.2 ريال للاقتصاد السعودي بما يُعرف بالتأثير المضاعف وماكدونالدز تدعم اليوم أكثر من 22,500 وظيفة بالمملكة كفرص ومصدر دخل لآلاف الأسر السعودية

استثمار بالإنسان وتوسع مستمر 🧠

 استثمرت ماك 4.6 مليون ريال في تدريب وتطوير الكوادر الوطنية بأكثر من 6,000 ساعة تدريب لبناء جيل مؤهل واستثمرت أكثر من 312 مليون ريال بافتتاح مطاعم جديدة وتحديث القائمة مما يعكس ثقتها بالسوق السعودي والأثر المجتمعي حاضر بأكثر من 53,000 ساعة تطوعية وتبرعات تتجاوز 4 ملايين ريال وتوزيع عشرات الآلاف من الوجبات

💡 الخلاصة

مماكدونالدز تقدم نموذج يبني أثر ملموس كشريك اقتصادي وداعم لأنهم منكم وفيكم ومع استمرار الرؤية هذي الشراكات هي اللي تدفع النمو وإذا حبيت تقرأ أكثر تفضل بزيارة رابط تقرير إكسفورد إكونوميكس حول مساهمة ماكدونالدز في الاقتصاد السعودي

تابع أفضل المقابلات والقصص المؤثرة على لوڤن شو🎥