- Lovin Saudi | لوڤن السعودية
- Posts
- ...
...
Augustus Media FZ LLC
February 12, 2026
🙏🏻💚 أهلاً بك في نشرتنا الأسبوعية من لوڤن السعودية
أخبار رهيبة تنتظرك … جاهز؟🇸🇦
متحمسين كالعادة نشارككم آخر الأخبار التي تهمكم وتصنع الفرق؛ من الدرعية اللي تستقبل قادة العالم، لجدل المدرجات وحقوق النشر، ودعم جيل الألعاب الرقمية، وأول سعودي للأولمبياد الشتوي، وحتى ويكند مليان بورد قيمز
هالأسبوع مليان قصص سعودية تحسّها قبل ما تقراها
NEWS
الاعتزاز بالتاريخ
من قلب "طريف" ومنبع الدولة الأولى، التاريخ يجدد نفسه بلقاء يجمع قيادات المستقبل
وش السالفة؟
في مشهد كله فخر واعتزاز، استقبل سمو سيدي ولي العهد الأمير محمد بن سلمان ضيف المملكة الكبير، الأمير ويليام ولي عهد بريطانيا، في الدرعية التاريخية مساء الاثنين 9 فبراير 2026 الزيارة هذي هي الأولى للأمير ويليام للمملكة، وجات عشان تؤكد عمق العلاقات بين الرياض ولندن، بس المكان هو اللي أعطى للقاء طعم ثاني
سمو ولي العهد أخذ ضيفه في جولة وسط حي الطريف، تمشوا بين قصور الأئمة وشافوا قصر سلوى الشامخ، واستعرضوا سوا مخطط تطوير الدرعية اللي يبهر العالم ويمزج الماضي بالمستقبل حتى السفير البريطاني كان متحمس ومبسوط بالحفاوة السعودية اللي مو غريبة علينا
💡 الخلاصة
الدرعية ما عادت مجرد موقع تراثي، صارت واجهة سياسية وحضارية نستقبل فيها كبار ضيوف المملكة ونقول للعالم هذا تاريخنا وهذي رؤيتنا
NEWS
بتال والعجمة يعلقون على الموضوع
تصور هدف، تنشره، ينحذف.. هذا اللي صاير مع جمهور دورينا، والموضوع فتح باب نقاش كبير
وش السالفة؟
رابطة الدوري للمحترفين بدأت تحذف مقاطع اللي يصورها الجمهور من المدرجات بحجة "حقوق النشر"، وهذا الشيء زعل صناع المحتوى وعشاق الكرة اللي يعتبرون تغطياتهم جزء من متعة المباراة
الإعلامي بتال القوس تحرك وسأل الرابطة عن الموضوع، وجاه الرد من الأستاذ عمر بترجي المتحدث الرسمي للرابطة الذي "لا يتحدث"، بطلب مهلة يومين إلى ثلاثة للرد وتوضيح الصورة أما تركي العجمة أبدى استغرابه وقال كلام يمثل كثيرين: ليش نحارب المحتوى العفوي؟ الجمهور هو المسوق الحقيقي للدوري
💡 الخلاصة
بين حفظ الحقوق وحماس المدرج، الجمهور ينتظر حل وسط يخلينا نستمتع ونوثق لحظاتنا بدون ما نخاف من الحذف
NEWS
جيل جديد يصنع الألعاب ويبدع
مؤخرًا، وقعت مجموعة سافي شراكات مع وزارة التعليم، لتعليم الطلاب تطوير الألعاب والرياضات الإلكترونية
يعني الطلاب يتعلمون برمجة، تفكير إبداعي، وحل مشاكل… كله من خلال الألعاب
وش السالفة؟
ألعاب تعليمية على منصة مدرستي عشان التعلم يصير ممتع وتفاعلي، أكاديمية سافي تدرب الشباب على صناعة الألعاب الرقمية
مسابقة “التعلّم عبر اللعب” توسعت ووصلت لـ700 ألف طالب وطالبة
🌟 ليش مهم؟
يعني الشباب السعوديين يقدرون يصيرون مطورين ألعاب عالمية، ويشتغلون على مشاريع حقيقية، ويشاركون في السوق الرقمي العالمي
والسعودية اليوم صارت مركز للألعاب الإلكترونية، وتفتح الباب لكل مبدع يحب يبتكر ويجرب حظه في العالم الرقمي
💡 الخلاصة
مبادرة سافي ما هي بس تعليم، هي استثمار في شبابنا ومواهبنا، وتجهز جيل قادر على الإبداع الرقمي والمنافسة عالميًا
SHARABLES
…بعض المواضيع اللي ممكن تهمك
NEWS
إصرار سعودي يتحدى الجليد
خبر يفرح كل سعودي …اللاعب فايق عابدي تأهّل رسميًا للمنافسات في دورة الألعاب الأولمبية الشتوية ميلانو – كورتينا 2026 بإيطاليا، اللي تنطلق من 6 حتى 22 فبراير 2026، ويمثّل فيها السعودية في رياضة التزلج الألبي بكل فخر
🏔️ من هو فايق؟
فايق عابدي هو أول سعودي وخليجي يتأهل وينافس في الألعاب الأولمبية الشتوية، بعد مشوار تدريبي طويل واصرار كبير درس في جامعة يوتا وتدرّب في أوروبا والولايات المتحدة قبل ما يرجع عشان يطور رياضة التزلج في السعودية
💪 استعدادات ومشاركات مستمرة
خلال السنوات الماضية، واصل فايق مشاركاته الدولية، وشارك في الألعاب الآسيوية الشتوية في هاربن 2025 كواحد من أبرز وجوه الفريق السعودي، وكان رافع العلم السعودي في الافتتاح
🔥 ليش هذا مهم؟
هذا التأهل ما هو مجرد مشاركة… فايق يقود جيل جديد من الرياضيين السعوديين في الرياضات الشتوية، ويثبت أن السعودية قادرة على المنافسة حتى في بيئات الطقس البارد، بفضل دعم المؤسسات الرياضية ورؤية 2030
💡 الخلاصة:
فايق عابدي مو بس متأهل… هو رمز الطموح السعودي على الثلج، ورحلة جديدة تبدأ في ميلانو – كورتينا لتحدّي الأفضل في العالم!
NEWS
العاب رهيبة وغريبة
محتارين وش تلعبون في الجمعة الجاية؟ لا تشيلون هم! سوينا لكم قائمة "منقاة" لأفضل ألعاب الطاولة.. سواء كنتم تحبون الألغاز، الخداع، أو حتى السرعة.. بتلقون اللي يعجبكم هنا
1️⃣ ديسبشن 🩸🕵️♂️
لعبة الشك والتمثيل اللي بتطلع الممثل اللي داخل خويك، طبعًا كلكم "محققين" وفيه واحد منكم "قاتل" مندس بينكم وواحد "طبيب شرعي" يحاول يلمح لكم بدون كلام، الجو كله توتر واتهامات
2️⃣ الليل الأسود 🐺🌑
لعبة نفسية بتخليك ما تثق بأحد حتى أقرب أخوياك، مدينة وتغرق في الظلام وفيها وحوش ومواطنين ولازم تعرف مين اللي بصفك ومين اللي ناوي عليك قبل ما يجي "الليل" وتطلع برا
3️⃣ كلويدو 🎩🔍
لعبة "كونان" الكلاسيكية بس بجو رهيب، جريمة صارت بالقصر وعندكم مشتبهين وأدوات وشغلتك تربط الخيوط ببعض مين القاتل ووين قتل وبأي أداة، اللي يلقطها أول هو الفايز
4️⃣ روميكوب 🔢🧠
لعبة "المزاج الرايق" والمخ النظيف تشبه "الهاند" أو "الكنكان" بس بأحجار وأرقام وما فيها حظ كثير، تعتمد على شطارتك كيف ترتب أرقامك وتخلص منها قبل الكل، قوانينها سهلة بس يبي لها تكتيك
5️⃣ كَلِم 🗣️⏱️
لعبة السرعة والضحك والكلمات اللي تضيع وقت الجد، تحدي لغوي سريع لازم تجيب كلمات بناء على الي موجود على الطاولة، من العجلة بتطلع كلمات مالها أي معنى 😂
يالله، الحين الكورة بملعبكم! 🎲 اختاروا اللعبة اللي تعجبكم ونتمنى لكم ويكند مليان ضحك وانتصارات، للي يستاهل طبعاً 😉
🛍️عروض تستحق الاغتنام
لا تعرف ماذا تُهدي أحباءك في رمضان؟ ✨ نون تُقدم لك الحل مع خصم ١٠٪ للمستخدمين الجدد!!! 🌟 استخدم الكود أدناه!
استعدّي لإطلالة رياضية مميزة مع سكوات وولف! 💪🏼 خصم يصل إلى ١٠٪ استخدمي الكود ✨👇🏼
إطلالاتك الرمضانية جاهزة مع نمشي! 👗 خصم ٥٪!! استخدمي الكود:
👇🏻عطركِ راح يخطف الأنظار في عيد الحب مع عطور ريف! 💖 خصم ٥٪! استخدمي الكود
