.
Augustus Media FZ LLC
January 22, 2026
🙏🏻💚 أهلاً بك في نشرتنا الأسبوعية من لوڤن السعودية
أخبار دسمة تنتظرك … جاهز؟🇸🇦🍿🌱🕹️
متحمسين كالعادة نشارككم آخر الأخبار التي تهمكم وتصنع الفرق؛ من فعاليات الرياض اللي تكسر الروتين، لمماشي وهدوء الطبيعة، ونباتات تضيف حياة للبيت، لأفلام سعودية وقصص سياحية تكسر الأرقام… هالأسبوع مليان لحظات تستاهل التوقف
NEWS
الرياض دايم تلقى فيها شي يكسر الروتين
إذا حسّيت إن أيامك تمشي بنفس الروتين، فالرياض هالفترة تقدّم تجارب تخليك تغيّر جوك بدون ما تطلع بعيد من الحماس العالي للهدوء، الخيارات كثيرة وكلها داخل المدينة
دووس 🚗💨
تجربة سباق سيارات مليانة تشويق، منافسة مباشرة، وأجواء تخليك تحس بروح السباق من أول دقيقة
منتجع نوفا 🌿🐎☕
مكان يجمع بين الهدوء والطبيعة عندك ركوب الخيل، جلسات كافيهات، ومساحات مفتوحة تعطيك راحة وتغيير مزاجك
بلزاي 🎯
تجربة تفاعلية تعتمد على التحدي والحركة مثل رمي الأسهم وعندك ألعاب تنافسية ثانية تعيشك جو مع أخوياك
كوميدي بود 🎤
ستاند أب كوميدي بأجواء خفيفة، مكان مناسب إذا تبي تضحك فيه بعد تعب الأسبوع
الساعة الأخيرة 🕐
تجربة ألغاز جماعية، تدخل مع فريقك وتحاول تحل التحديات وتطلع قبل انتهاء الوقت
اختَر الفعالية اللي تناسب مزاجك وخَل الأسبوع هذا مختلف عن غيره
NEWS
مشية بسيطة ممكن تغيّر مزاج يوم كامل
المشي في الرياض صار تجربة بحد ذاته مماشي متنوعة تناسب اللي يدور هدوء، أو حركة، أو حتى مشي مع أكل وتجارب
ممشى واحة نجد 🌿✨
ممشى هادئ محاط بالأشجار وبحيرة صغيرة
مناسب للاسترخاء والمشي الخفيف بعيد عن الزحمة
ممشى حي التعاون 🚶🏻➡️🍔
ممشى واسع وحيوي
مليان عربات طعام ومطاعم متنقلة تخلي المشي تجربة ممتعة
ممشى المتحف الوطني بالمربع ☘️
ممشى طويل بأجواء تاريخية
يمزج بين الرياضة والثقافة في مكان واحد
ممشى طريق الملك عبدالله 🌳
ممشى مناسب للمشي أو الركض
أجواءه هادئة ومريحة وتناسب المشي الطويل
اختَر ممشى يناسبك وخَل المشي وقت لنفسك مو مجرد رياضة
NEWS
البيت اللي فيه نبات دايم فيه راحة
النباتات المنزلية تضيف روح للمكان وتكسر رتابة الجدران
تعطي إحساس بالهدوء والطاقة بدون تعب أو عناية معقدة
جلد النمر 🪴
نبتة تتحمل قلة الري وضعف الإضاءة
مناسبة لغرف النوم وتساعد على تحسين الجو
البوتس 🌱
سريعة النمو وسهلة العناية
تعطي إحساس طبيعي وحيوي وتناسب الرفوف والزوايا
فيكس المطاط 🌳
أوراقها عريضة وشكلها أنيق
تضيف فخامة للمجالس والمداخل
الأجلونيما 🌿
نبتة ملونة تكسر روتين الأخضر
تتحمل الإضاءة الضعيفة ومناسبة للمكاتب
البونساي 🎍
شجرة مصغرة تحتاج عناية بسيطة
تعطي إحساس فني وهدوء خاص للمكان
إضافة نبتة واحدة كفيلة تغيّر إحساس البيت بالكامل
SHARABLES
…بعض المواضيع اللي ممكن تهمك
NEWS
قصصنا اليوم صارت توصل للعالم من الشاشة
السينما السعودية اليوم تحكي قصص المجتمع بصدق وتنوّع
من أفلام نفسية إلى أعمال خفيفة وقصص إنسانية
هوبال 🏜️
فيلم مختلف عن المعتاد، القصة تدور في بيئة صحراوية معزولة، عن عائلة تعيش تحت معتقدات صارمة يقودها الأب وكل شيء في حياتهم مبني على الخوف والطاعة الفيلم يركز على الصراع النفسي أكثر من الكلام، ويوريك كيف السيطرة باسم الدين أو العادات ممكن تخنق الإنسان وتمنعه يفكر أو يختار
مندوب الليل 🌙
القصة تدور حول شاب يعمل مندوب توصيل في الليل، حياته تمشي بروتين متكرر: طلبات، شوارع فاضية، وساعات طويلة مع نفسه و خلال ليلة وحدة، تبدأ المواقف تتعقد، وكل مشوار يوصل فيه طلب يقرّبه أكثر من الانفجار. ضغوط مادية، علاقات متوترة، وإحساس بالضياع يخليه يتخذ قرارات متسرعة
سطّار 🤼♂️
تدور قصته عن شاب بسيط يعيش حياة عادية جدًا، لكن داخله حلم كبير: يصير نجم مصارعة حرة، رغم إن محيطه ما ياخذ حلمه بجدية، إلا إنه يقرر يدخل هذا العالم بطريقته الخاصة
مع الوقت، يواجه مواقف مضحكة، إحباطات، وتجارب ما كان متوقعها، ويتعلم إن الشهرة مو سهلة، وإن الطريق للنجاح مليان تعب قبل التصفيق، فلم كوميدي خفيف لطيف
هجرة 🚶♂️
فيلم درامي ياخذك في رحلة مختلفة، القصة تبدأ بجدة وحفيدتها (جنى) رايحين لمكة لأداء الحج، لكن الأحداث تنقلب لما تختفي الأخت الكبيرة (سارة) فجأة! تتحول رحلتهم من رحلة حج إلى رحلة بحث شاقة ومثيرة تمتد للشمال، وتنكشف خلالها أسرار العائلة والفجوة بين الأجيال، وسط تصوير سينمائي ساحر لطبيعة المملكة
فخر السويدي ⭐
إذا تبي ضحك ومواقف تشبه واقعنا، هذا الفليم هو الأنسب، القصة تدور في مدرسة ثانوية بحي السويدي، المدير "شاهين" يبي يسوي إنجاز يخلد اسمه، فقرر يأسس "فصل شرعي حديث" مليان تقنية وذكاء اصطناعي. طبعاً تخيل الفوضى والمواقف الكوميدية اللي بتصير لما يحاولون يطبقون هالأفكار الغريبة على الطلاب والمدرسين
هذي الأفلام تعكس تطور السينما السعودية وتنوّع قصصها
NEWS
السياحة السعودية تكسّر الأرقام بأكثر من ١٢٢ مليون سائح
السعودية اليوم صارت الوجهة اللي ترجع لها مرة ومرتين وثلاث
في تصريح يعكس حجم التحوّل اللي تعيشه المملكة
كشف معالي الوزير أحمد الخطيب أن عدد السياح في السعودية خلال عام 2025 تجاوز 122 مليون سائح من بينهم أكثر من 30 مليون سائح أجنبي بالإضافة إلى وصول الإنفاق السياحي لأكثر من 300 مليار ريال! الأرقام هذه ما تجي من فراغ بل من رؤية واضحة وتنفيذ مستمر على الأرض
النمو الكبير هذا ما هو مجرد أرقام سياحية
بل انعكاس بشكل مباشر على الاقتصاد الوطني، القطاع السياحي اليوم صار أحد أهم روافد الدخل غير النفطي بالإضافة إلى إسهامه في خلق آلاف الفرص الوظيفية وتنشيط قطاعات مرتبطة مثل الضيافة والترفيه والنقل والمطاعم إضافة إلى دعم رواد الأعمال والمشاريع الصغيرة والمتوسطة في مختلف مناطق المملكة
اللافت أن هذا الزخم يخدم بشكل مباشر رؤية السعودية 2030 اللي وضعت السياحة كأحد أعمدة تنويع الاقتصاد والنتيجة؟ كانت مشاريع عملاقة تُفتتح تباعًا وتجارب سياحية تتجدد ووجهات سعودية تحجز مكانها على خريطة السياحة العالمية!
من العلا إلى البحر الأحمر ومن الدرعية إلى نيوم كل فترة نشوف مشروع جديد يفتح أبوابه أو مرحلة جديدة تُدشَّن وهذا الاستمرار في الافتتاحات هو أحد الأسباب الرئيسية وراء تصاعد أعداد السياح وثقتهم بالوجهة السعودية… التنوع الجغرافي والثقافي والترفيهي صار نقطة قوة حقيقية تخلي الزائر يرجع مرة ثانية… وثالثة وممكن رابعة
