- Lovin Saudi | لوڤن السعودية
- Posts
- الرياض والدوحة صار يربطهم قطار والمسافة تقلّصت لساعتين. سعودي يخطف الجائزة الكبرى في كوريا. روسيا صارت بدون تأشيرة!. مشروبات تدفيك مع بداية الشتاء...
الرياض والدوحة صار يربطهم قطار والمسافة تقلّصت لساعتين. سعودي يخطف الجائزة الكبرى في كوريا. روسيا صارت بدون تأشيرة!. مشروبات تدفيك مع بداية الشتاء...
Augustus Media FZ LLC
December 09, 2025
🙏🏻💚 اهلًا وسهلًا بك في نشرة لوڤن السعودية
أهلاً بك في نشرتنا الأسبوعية من Lovin Saudi! 🇸🇦 💚
متحمسين كالعادة عشان نشارككم آخر الأخبار اللي تهمكم وتصنع الفرق، من إنجازات عيال وبنات الوطن اللي وصلت للعالمية، لتسهيلات السفر اللي تفتح لنا آفاق جديدة، ومشاريع عملاقة تغيّر شكل المنطقة
NEWS
سلام اليوم تطلق سلام الهوية الرقمية السعودية بهوية جديدة كلياً للممكن أكيد، مع لمسة عصرية تركز على الشباب والحياة الرقمية السريعة. مو بس تغيير شكل، لكن طريقة مختلفة كلياً للتواصل مع جيل يعيش يومه كله على الإنترنت
جيل زد في قلب الهوية
عمرو الدسوقي، الرئيس التنفيذي لقطاع الأفراد في سلام، يقول إن الهوية الجديدة
صممت لتنسجم مع أسلوب الشباب السعودي اليوم. الشباب اللي يشكلون 71% من السكان يقضون أكثر من 7 ساعات يومياً على الإنترنت، ويتنقلون بين الدراسة، الألعاب، البث، والتواصل الاجتماعي. الإنترنت عندهم مو مجرد أداة، هو مساحة يعيشون ويتواصلون ويبدعون فيها.
عشان كذا، سلام قدمت باقات مرنة وعملية تناسب يومياتهم:
Solo: استخدام غير محدود للتطبيقات الاجتماعية
Super Flex: باقات مرنة شاملة
Gamers Pack و Streamers Pack: لعشاق الألعاب وصناع المحتوى
NEWS
بعد خمسة عشر عام من الغياب اجتمع النجوم من جديد في لقاء استثنائي نظّمه معالي المستشار تركي آل الشيخ💚
كبار نجوم الفن السوري اجتمعوا في مكان واحد! بعضهم ما شافوا بعض أكثر من 15 سنة ولكن اليوم جمّعهم معالي المستشار وجلس معاهم في لقاء استمر لأكثر من 3 ساعات وبينتج عنه مفاجآت جاية...
من قلب دمشق ومن الصانع الوحيد المتبقي للسيوف الدمشقية، هدية غالية وصلت لمعالي المستشار من صانع السيوف فياض السيوفي... حِرفة توارثتها عائلته جيل بعد جيل تحمل معها تاريخ الشام وفنها العريق
NEWS
الوزارة فاجأتنا بخبر من العيار الثقيل: وقعنا اتفاقية مع روسيا تُلغي التأشيرات على طول! الخبر نزل علينا واحنا في نص اليوم، هذي الاتفاقية وقعها سمو وزير الخارجية الأمير فيصل بن فرحان ومعالي نائب رئيس الوزراء الروسي ألكسندر نوفاك.
هذا التوقيع التاريخي تم على هامش منتدى الاستثمار السعودي الروسي
اللي قاعد يجمع كبار المستثمرين من الطرفين. هذه مو مجرد تسهيلات سفر، هذه خطوة ذكية تفتح أبواب استثمار وشراكة قوية جداً تدعم رؤية 2030. الموضوع أكبر من مجرد سهولة السفر!
هذه الخطوة دليل على عمق العلاقة الاستراتيجية والاقتصادية بين البلدين
تطورت العلاقة بين البلدين بشكل ملحوظ وهذا بفضل التحركات الذكية لقيادتنا. إلغاء التأشيرات يفتح الباب على مصراعيه لفرص الاستثمار المشترك وتبادل الأعمال ويسهل حركة رجال الأعمال والخبراء اللي يهمهم السوق الروسي.
هو يعتبر دعم مباشر لتحقيق أهداف رؤية
2030 في ربط المملكة بالعالم وتعزيز موقعنا كقوة اقتصادية صاعدة إقليمياً وعالمياً. اللي عنده نية يسافر أو يستثمر في روسيا اليوم الفرصة صارت أسهل بكثير!
SHARABLES
بعض المواضيع اللي من المهم الاطلاع عليها
الحمدان يخرج في المؤتمر الصحفي بعد إهداره ركلة الجزاء أمام المغرب
معالي المستشار يعيد “ليلة العمر” ولكن هذه المرة لألف شاب وشابة
هشام الملا يفوز على التورة في حلبة البحرين الدولية وهذه هي القصة كاملة…
مهرجان البحر الأحمر السينمائي يرجع وبرفقته كبار النجوم!
NEWS
الرياض عاصمة مملكتنا الرهيبة، كلنا نحبها في كل مواسمها المختلفة والحين داخلين على الشتاء اللي ما يرحم وأكيد تبي تشرب شيء يساعدك تواجه البرد وتستمتع فيه، عشان كذا بنعطيك مجموعة أماكن عندهم مشروبات تدفي جسمك.
مزاج مغربي
مكان معروف بالشاهي حقه، والسحلب عندهم لذيذ وحسب الأصول، إذا تحب السحلب أو الشاهي المغربي لازم تجربه عندهم.
شاي طويق
من ألذ المحلات في الرياض عندهم أصناف كثيرة، والصدق كلهم رهيبين، شاي طويق مع بسكوت سمسم خلطة خيالية في الشتاء البارد، لازم تعطيهم زيارة وصدقني بعدها بيصير أحد أماكنك المفضلة في الرياض.
كرك غلام
هذا المكان من جد على أصوله، كرك هندي ثقيل بنكهة تخليك تعيش الأجواء، عندهم الكرك العادي وكرك بالزعفران اللي يجي خفيف على القلب وثقيل بالطعم.
هاف مليون
بيكون الخيار الأول لتفوقه الدائم وثبات جودته بالطعم الموزون وعندهم أيضًا دارك تشوكلت يعني الجميع بيعجبه على مسؤوليتنا! وأحلى لما تضيف عليه شوت اسبريسو بعد
NEWS
صارت ساعتين بين الدوحة والرياض!
سمو ولي لعهد وأمير دولة قطر شهدوا توقيع اتفاقية تنفيذ مشروع "قطار السعودية وقطر السريع" واللي يمتد على مسافة 785 كيلومتر ويربط الرياض بالدوحة مرورًا بمحطات رئيسة مثل الهفوف والدمام
ويربط القطار أيضًا مطار الملك سلمان الدولي ومطار حمد الدولي بسرعة تتجاوز 300 كم/س! ومن المتوقع يكتمل خلال 6 سنوات ووقتها شكل التنقل بين البلدين بيتغيّر تمامًا