وش صار هذا الأسبوع؟ من قرب افتتاح جسر طريق الثمامة لفك زحمة شمال الرياض، لتصريح فيليكس اللي اثار الجدل بعد الكلاسيكو، ومن تقليص وقت الانتظار بالحرم المكي لـ 9 دقايق بتقنيات الذكاء الاصطناعي، وصولًا لتقرير يكشف كيف يستخدم السعوديين الذكاء الاصطناعي بحياتهم اليومية

NEWS

جسر طريق الثمامة الرئيسي بالرياض صار شبه جاهز 🌉🚗

إذا كنت من اللي يمرون دايم بطريق الثمامة وتتوهق وقت الذروة فأبشر بالخير لأن العاصمة الرياض مستمرة بسباقها لتطوير شوارعها وتسهيل حياة الناس والهيئة الملكية لمدينة الرياض بشرتنا باقتراب الفرج

نسبة إنجاز مذهلة والفكة من الزحمة 🚧⏱️ 
العمل بجسر طريق الثمامة عند تقاطع طريق الأمير محمد بن سلمان تجاوز مراحله الأخيرة ووصل لنسبة إنجاز مذهلة بلغت 85% يعني الفكة من الزحمة صارت قريبة مرة وما بقى إلا القليل ونشوف المشروع واقع نعيشه ويسهل مشاويرنا اليومية

نقلة كبرى لشوارع الرياض 🛣️🌟 

هالتقاطع يعتبر شريان حركي حيوي بشمال الرياض ودايم يشهد اختناقات مرورية والهدف من هالجسر إن حركتنا تستمر بدون توقف وبمجرد ما يفتح الجسر بيختصر عليك أوقات طويلة تضيعها بالإشارات وهالمشروع ما هو إلا حلقة ببرنامج ضخم لتطوير المحاور الرئيسية بالرياض لتتواكب مع التوسع العمراني والتطور الهائل

NEWS

تصريح فيليكس يثير غضب الجمهور بعد الكلاسيكو ⚽🔥

كلاسيكو الاتحاد والنصر ما انتهى مع صافرة الحكم والأحداث والتصريحات اللي صارت بعد المباراة أثارت جدل كبير بين الجماهير وأخذت منحنى ثاني

تصريح جواو فيليكس 🗣️📱 

طلع جواو فيليكس بتصريح وقال لن أتحدث لأني سأفضح هذا الدوري وهالتصريح أثار غضب واسع بين الجمهور واعتبروه تجاوز مرفوض

تدارك الموقف وانتظار العقوبات 🚶‍♂️😶 

ومن جهة ثانية رصدت الكاميرات خروج كريستيانو رونالدو بسرعة وهو يردد إنهم ينتظروني أعتذر عن التصريح ليحاول تدارك الموقف وتفادي الصدام والجماهير حاليًّا تترقب وتطالب بتدخل الجهات الانضباطية للرد على هالكلام وهل بتصير عقوبات ولا بتمر مرور الكرام

…أشياء ممكن تهمك

مضيف طيران يستقبل أمه وخواته لأول مرة

لقت جوال ضايع ويرن وقررت ترد عليه

فاجئ اخوياه بسيارته الجديد وشف عاد ردة فعلهم 

NEWS

من ساعتين لـ 9 دقايق.. الحرم المكي أذكى الأماكن بالعالم 🕋📱

تقنيات الذكاء الاصطناعي والتطور الرقمي جالسة تغير تجربة ضيوف الرحمن وتسهلها بشكل كامل برحلة تحول استثنائية عشان يكون المسجد الحرام من أذكى الأماكن بالعالم بحلول 2030

تقليص أوقات الانتظار ⏱️📉 

هذا التحول التقني بيخلي كل خطوة يخطوها المعتمر أو الحاج أسهل وأكثر راحة وتقنيات التنقل الذكي ساعدت بتقليص أوقات الانتظار من ساعتين إلى 9 دقايق بس بموسم الحج الأخير وهالشي يعكس حجم الجهد الجبار المبذول لراحة ضيوف الرحمن

خرائط رقمية ووسائل نقل آلية 🗺️♿ 

التنقل داخل الحرم صار أسهل بفضل توظيف التقنيات الحديثة اللي تشمل الخرائط الرقمية لتوجيه الزوار ووسائل النقل الآلية اللي تختصر المسافات على كبار السن والمرضى والخدمات المتصلة اللي تخلي التنقل سلس ومنظم جدًّا لتوفير أفضل تجربة روحانية 

NEWS

كيف نستخدم الذكاء الاصطناعي بالسعودية؟ تقرير 2025 يكشف التفاصيل 🤖📊

الذكاء الاصطناعي صار يدخل بيومنا أكثر مما نتوقع سواء لتسأل عن معلومة أو ترتب أفكارك أو تترجم وهالشي واضح خصوصًا عند الشباب بالسعودية حسب تقرير الإنترنت السعودي لعام 2025

استخدام يومي وأرقام مرتفعة 📈🇸🇦 

وصلت نسبة استخدام أدوات الذكاء الاصطناعي بين مستخدمي الإنترنت بالمملكة لـ 45.2% وترتفع لـ 53.4% بين المراهقين و55.7% بين الشباب بالعشرينات يعني الموضوع مو ترند بل جزء من الروتين لأن استخدامه صار سهل ويفيد بمواقف يومية فعلية

بحث وترتيب أفكار ودراسة 📚💡 

البحث عن المعلومات هو الاستخدام الأكثر شيوعًا بنسبة 80.8% وبعده توليد الأفكار بنسبة 40.1% ثم الدراسة بنسبة 37.7% ونقدر نستفيد منه بتلخيص المواضيع وترتيب الأفكار المشتتة أو شرح الدروس الصعبة وحتى نترجم ونكتب بشكل أسرع بس المهم نراجعه ونتأكد

المراجعة والتأكد من المصادر 🔍⚠️ 

مو كل استخدام للذكاء الاصطناعي ذكي والأهم إننا نعرف متى يخدمنا ولازم ننتبه إن الأرقام والإحصائيات تحتاج تأكيد من المصدر الأصلي لأن الذكاء الاصطناعي ممكن يخطي أو يعطيك معلومة قديمة فخله يساعدك تبدأ بس خلك أنت اللي يفكر ويقرر بالنهاية

تابع أفضل المقابلات والقصص المؤثرة على لوڤن شو🎥