يا مرحبا! اليوم بتقدم لك لوڤن السعودية أبرز تفاصيل ملف كأس العالم، وموقف بطولي لشاب، وألذ 👏مطاعم البروستد بالرياض 😋، وأخر التطورات بالعاصمة الرياض ! قراءة ممتعة

NEWS

السعودية تُبهر العالم بملف استضافة كأس العالم 2034

بيكون فيه 15 ملعب متوزع على خمس مدن، 8 ملاعب بتكون بالرياض و4 ملاعب بجدة و1 في الخبر و1 في نيوم و1 في أبها وجميع الملاعب مكيفة.استاد الملك سلمان راح يستضيف المباراة الافتتاحية والنهائية في كأس العالم 2034 في السعودية

المدن اللي راح تستضيف المنتخبات ويكون مقرهم السكني فيه 10 مدن و132 مقر تدريب ب48 منتخب مشارك، طبيعي بيجي في بالك كم راح يكون ملعب مخصص لمعسكرات هذه المنتخبات الكثيرة، أبشركم أن بيكون 72 ملعب مخصص للمعسكرات التدريبية

الملف السعودي يشمل كل شيء من البنية التحتية المتطورة والملاعب الحديثة، إلى الضيافة السعودية اللي كلنا نعرف إنها دايمًا متميزة، بالإضافة إلى التطور الكبير في النقل والمواصلات والفنادق وكل الخدمات اللي بتكون جاهزة عشان تستقبل الزوار.

SHARABLES

بعض المواضيع اللي من المهم الاطلاع عليها

ملف كأس العالم ضم بناء وتطوير عدد من الملاعب في المملكة، وجميع هذه الملاعب بتكون مكيفة ومصممة لاستقبال جميع الفعاليات

الرياض في المستقبل راح تكون نقطة ربط لجميع مناطق المملكة

بعد تقديم المملكة لملف استضافة كأس العالم ٢٠٣٤، القيادة الرشيدة توجه كلمة بهذه المناسبة

NEWS

روشن تعلن عن ملعب أيقوني جديد بالرياض

يقع الملعب اللي تقدر إجمالي مساحته 450 ألف متر مربع في جنوب غرب العاصمة الرياض، ويتميز بتصميم متعدد الاستخدامات، ويضم عدد من المتاجر والمطاعم وأماكن الضيافة، ويتوسط هذا المشروع ملعب رئيسي لإقامة الفعاليات والأنشطة الرياضية.

الملعب لن يتم استخدامه فقط للأحداث الرياضة العالمية، بل سيستضيف عدد من الأحداث الثقافية والترفيهية والاجتماعية، كما أنه بيعزز من استخدام التقنيات الحديثة مثل الطاقة الشمسية اللي تم دمجها بالبنية التحتية للملعب.

NEWS

ولادة الرياض من جديد

سكان الرياض حياتهم في الوقت الحالي صعبة وكلها عقبات نتكلم بشكل حرفي طبعًا، الحفريات تنتشر في جهات الرياض الأربعة وهذا الشيء بحد ذاته قادر يسبب زحمة كبيرة ولكن أهل الرياض يواجهون مشاكل ثانية تخلي حياتهم صعبة وفي هذا المقال بنذكر الصعوبات وأسبابها.

شوارع الرياض قاعدة تتحول من شارع عادي إلى شارع مستدام وفيه معايير الأنسنة وهذا الشيء بيخدم كل من يعيش في الرياض في المستقبل القريب عشان كذا لازم نصبر على زحمة وحفريات رياضنا الحبيبة.

الرياض تمر بفترة صيانة وتحول كبيرة بسبب الاستضافات الكبرى اللي راح تصير فيها بالمستقبل منها إكسبو 2030.

NEWS

مطاعم بروستد في الرياض

1-بروست لاين

من مطاعم البروستد القديمة في الرياض ومن أول ما فتح المطعم إلى يومنا الحالي محافظ على طعم الدجاج اللذيذ والثوم الخورافي.

2-بروستد كي

من المطاعم اللي دخلت مفهوم جديد في مجال الدجاج المقلي واللي هو مستوى الحرارة إذا تحب الأكل الحار لازم تجرب دجاجهم لذيذ، ومعلومة مو شرط تطلب حار إذا ما تتحمل عندهم بارد 👶🏼.

3-خلطة الشايب

الدجاج عندهم والبهارات اللي يستخدمونها شيء ثاني لازم تجربون منيو الحبحر كامل.

4-بروستد القنديل الذهبي

المعروف لا يعرف البروستد عندهم نظيف ولازم تجربون المسحب شغل عال العال

5-كومي بروستد

نوصل إلى مطعم كثير من سكان الرياض يعتبرونه من ضمن الأفضل في المجال، الأسعار عندهم مناسبة على الخدمة والجودة اللي بتاخذها لازم تجربه ولو مره في حياتك.

NEWS

حريق يداهم كبير بالسن والجار يتدخل

انتشر مقطع فيديو على مواقع التواصل الاجتماعي لبيت اشتعلت النار فيه، وكان في هذا البيت شايب مقعد مايقدر يتحرك

فايز شاف الحريق من بعيد وشغل سيارته مباشرة عشان يتوجه للبيت، الكل كان خايف بس فايز كان عنده قلب قوي وشجاعة نادرة، دخل البيت وسط الدخان والنار، وحصّل جاره الشايب معقد ومحتاج مساعدة، ومن غير ما يفكر فايز شال الشايب وأنقذه من الموت بعد الله.

الأحداث هذي تذكرنا بأهمية الجار في حياتنا، الجار ممكن يكون أقرب من الأهل في بعض الأحيان، وخاصة في أوقات الشدة والمصاعب، الجيران هم اللي يوقفون مع بعض في الأزمات ويساندون بعضهم.

OUT OF COMMTEXT

في صفحات لوڤن بتشوف بعض التعليقات الجميلة

مثلًا على مزاج الأطفال 

أو على تفاعل المقيمين مع المناسبات السعودية

MERCH

🌞 Lovin Merch: Summer Picks!

When you’re out, running errands and simply Lovin your life, you have your handy dandy flask to keep your drinks cool. You’ve got your cap to shade you from the sun, your notebook to record your brightest ideas.

Anything and everything that’ll remind you that you’re lovin’ life, there’s a Lovin Merch product for you.

Click here to add them goodies to your cart.