متحمسين كالعادة نشارككم آخر الأخبار التي تهمكم وتصنع الفرق؛ وفاة المؤذن والشيخ فيصل بن نعمان -رحمه الله-، إلى معلومات تفيدكم وتهمكم بخصوص اشتراكات مترو الرياض 2026، وبرضو افتتاح القدية واكبر أفعوانية في العالم بيكون الأسبوع الجاي، وراح تاخذون لفة على حائل مع معالي الوزير أحمد الخطيب، وغيرها الكثير من الأخبار اللي تحطكم في الصورة 🗞️💚

NEWS 

رحيل الشيخ فيصل بن نعمان

• مسيرة أسرة الشيخ فيصل بن نعمان

  يمثل الشيخ فيصل بن نعمان بحسب المقربين منه امتداد لمسيرة أسرية مباركة بخدمة أقامة الأذان في الحرم النبوي الشريف، ووالده مشهور في العالم العربي الشيخ عبدالملك النعمان، بدا مسيرته في عمر صغير ١٤ سنة واستمر في مسيرته العظيمة حتى وفاته.

• ابرز الاصوات في المسجد النبوي

  صوت الشيخ فيصل بن نعمان كان من ابرز اصوات المؤذنين في المسجد النبوي.

NEWS

اشتراكات سنوية لمترو الرياض 2026

• تذاكر سنوية تغطي السنة كاملة

• الاشتراك العادي (1,260)ريال! بس لمدة سنة كاملة ماتشيل هم روحتك وجيتك بالمترو ا اما بالنسبة للدرجة الأولى (3,150)ريال، لكن يفضل تربطون التذكرة بحساب مسجل لتجربة أفضل.

• طلاب المدارس والجامعات 

• تنقل مريح وسهل لطلاب الجامعات واشتراكهم لمدة ٤ شهور يغطي ترم كامل، يعني بدون تعب وتعقيد وبـ(260)ريال.

NEWS 

رحلة معالي وزير السياحة احمد الخطيب في حائل

• المبخرة والنقش

• من التجارب المميزة في حائل كانت النقش على المباخر الحائلية وبدع فيها وزير السياحة.

• لعب السامري

• وبين الإيقاع والرقص، وزير السياحة انغمس مع أهل حائل في جو السامري… تجربة تراثية على أصولها.

• حمس القهوة ودق النجر

• .حمس القهوة بالحماسة ودق النجر كانت تجربة من ضيافة أهل حائل

• الكشتة كانت تجربة تجسد روح حائل وأهلها.

SHARABLES

بعض المواضيع اللي من المهم الاطلاع عليها

اكتشاف آبار وسط الجبال في شمال السعودية 

نظرة أولى على أسرع أفعوانية في السعودية

افتتاح حديقة كافد الجديدة

NEWS

أفضل 5 مخابز في الرياض

• قرين ميل بيكري

  عندهم خبز الساوردو اللي يأخذ 16 ساعة عشان يكتمل، و كرواسانهم بكل نكهاته لذيذ و شي خرافي. حتى لجنة التحكيم في تايم أوت أعطتهم جائزة أفضل مخبز لعام 2024

• ايزي بيكري

  إذا تبغى ساندويتش على أصوله بنكهة أفوكادو او البيض هذا مكانك. والقهوة عندهم شي

  ثاني أول ما تذوقها بتعرف إنك في المكان الصح.

• فارينا

  ما يحتاج تفكر كثير إذا كنت تدور على ألذ فرنش توست في الرياض روح لفارينا، و الوافل والكروسان بالشوكولاتة جدًا لذيذه مع قهوتهم الموزونة.

  باختصار، الرياض مليانة مخابز رهيبة وكل واحد له طابعه الخاص فخذ لك لفة و جرب واستمتع بالمخبوزات اللي تفتح النفس وتخلي يومك أحلى. ولا تنسى تشاركنا وش أعجبك أكثر😍🍞

NEWS

وين تجدول بالويكند: 5 أماكن توسع صدرك فيها بالرياض

• صالات البولينج 🎳

  الرياض فيها صالات بولينج عائلية وشبابية تعيشك أجواء التحدي سواء مع أصحابك أو العائلة، اللعبة دايمًا تعطي ويكند فيه ضحك وحماس.
  

• البلياردو 🎱

  أماكن البلياردو منتشرة من الكافيهات الرياضية إلى الصالات المجهزة تجربة مثالية لو تبي تنافس أصحابك بجو هادي وممتع بنفس الوقت.

• ملاعب البادل 🎾

  رياضة البادل صارت ترند بالسعودية وصار عندنا ملاعب مجهزة بجودة عالية اللعبة سهلة وتناسب الكل وأحلى شي إنها تحرق سعرات وتخليك تستمتع بالحركة والخيارات الأن صارت جدًا كثيرة

  الزبدة الرياض ما تخليك تحتار… إذا ودك تحدي مع أصحابك بالبولينج أو تنافس على طاولة البلياردو أو تلعب مباراة بادل بتلقى أماكن تخلي ويكندك مليان حركة وحماس لا تتعداها👌🏼⚡️

تابع أفضل المقابلات والقصص المؤثرة على لوڤن شو🎥