-
Augustus Media FZ LLC
January 19, 2026
🙏🏻💚 أهلاً بك في نشرتنا الأسبوعية من لوڤن السعودية
أخبار دسمة تنتظرك … جاهز؟🇸🇦🏆🎡🌄
متحمسين كالعادة نشارككم آخر الأخبار التي تهمكم وتصنع الفرق؛ من ليالي الجوائز اللي تحكي قصة سنة كاملة، وأجواء الرياض اللي ما تهدأ، إلى سحر العُلا اللي يخطف الإحساس، وتكريم أسماء صنعت الذاكرة… أخبار هذا الأسبوع مليانة لحظات تستاهل التوقف
NEWS
جوي أووردز مو بس جوائز.. هي ليلة تحكي قصص سنة كاملة
ليلة استثنائية عاشها الفنانون وصنّاع التأثير في جوي أووردز ٢٠٢٦، ليلة اجتمعت فيها المشاعر مع التكريم، والقصص الإنسانية مع النجاحات، ضمن فعاليات موسم الرياض اللي صار موعد سنوي ينتظره الجمهور والنجوم
جوائز هذا العام ما كانت مجرد احتفاء بالأعمال، لكنها حملت لحظات صادقة ورسائل مؤثرة من داخل القاعة ومن خارجها، وخلّت كل فوز له معنى أعمق من التتويج
من عودة فنية مؤثرة، إلى تكريم وجوه جديدة، ومن غياب حضر بالصوت والصورة، إلى لحظات فخر على المسرح، هذي هي القائمة الكاملة للفائزين
🎬 الفيلم المفضل
سيكو سيكو (مصر)
🎭 التمثيل – سينما
الممثلة المفضلة: شجون الهاجري عن فيلم عرس النار
الممثل المفضل: ماجد الكدواني عن فيلم فيها إيه يعني
مخرج الأفلام المفضل: عمر المهندس عن فيلم سيكو سيكو
📺 المسلسلات
المسلسل المصري المفضل: أشغال شقة جدًا
المسلسل المشرقي المفضل: سلمى
المسلسل الخليجي المفضل: شارع الأعشى
الممثلة المفضلة في التلفزيون: كاريس بشّار عن مسلسل تحت سابع أرض
الممثل المفضل في التلفزيون: عبدالمحسن النمر عن مسلسل المرسى
الوجه الجديد المفضل في التمثيل: ترف العبيدي عن مسلسل أمي
مخرجو المسلسلات المفضلون: أحمد كاتيكسيز وغول سارالتن عن مسلسل شارع الأعشى
🎶 الموسيقى
الأغنية المفضلة: صحّاك الشوق
الفنان المفضل: فضل شاكر
الفنانة المفضلة: أنغام
الوجه الجديد المفضل في الموسيقى: محمد فضل شاكر
⚽ الرياضة والتأثير
الرياضي المفضل: ياسين بونو من المغرب
الرياضية المفضلة: ليلى القحطاني من السعودية
المؤثرة المفضلة: رتيل الشهري من السعودية
المؤثر المفضل: ريّان الأحمري من السعودية
في جوي أووردز ٢٠٢٦، الجوائز كانت عنوان، لكن القصص كانت هي البطل الحقيقي، ليلة أثبتت إن الاحتفاء الحقيقي هو بالإنسان قبل الإنجاز
NEWS
السعودية ما صارت تستضيف الأحداث الكبرى.. صارت تصنعها
“لو كنت تتابع جوي أووردز وتقول “وش السر؟
الجواب بسيط… هذا الحدث ما انبنى كحفل… انبنى كتجربة!
من أول لقطة من السجادة الخزامية من الإخراج من ترتيب الفقرات
تحس إنك قدام حدث يعرف وش يسوي بالضبط… ما فيه ارتباك ما فيه فقرات زايدة وما فيه لحظة تحس إنها جت بالغلط
كبر الحدث يبان بالتفاصيل
قوة الجوي أووردز ما كانت بس في النجوم الحاضرين بل في طريقة تقديمهم
الإضاءة، الموسيقى، الانتقالات، وحتى الإيقاع، كل شيء محسوب
حدث عربي لكن بمعايير عالمية بدون ما يفقد روحه أو يحاول يقلّد أحد
تنظيم يفهم الجمهور
الجوي أووردز عرف كيف يجذب انتباه المشاهد بدون ملل ولا تطويل ولا فقرات تحس إنها عشان نكمل وقت
كل فقرة لها هدف وكل دقيقة لها قيمة سواء كنت حاضر في القاعة أو تتابع من البيت وهنا يبان دور معالي المستشار تركي آل الشيخ
اللي صار ما هو صدفة
وراء هذا التنظيم رؤية يقودها أبو ناصر، شخص يعرف إن صناعة الحدث اليوم ما تعتمد على الميزانية فقط ولكن على فهم التجربة من بدايتها لنهايتها
:معالي المستشار عرف كيف
يحوّل الجوائز لقصة
ويحوّل الحفل لحدث منتظر
ويخلي الرياض محطة أساسية في روزنامة الترفيه العربي
الخلاصة؟
الجوي أووردز اليوم صار أكثر من حفل
…صار رسالة واضحة إن السعودية ما صارت تستضيف الأحداث الكبرى فقط
صارت تصنعها، وتنظمها، وتفرض معاييرها
وهذا بالضبط اللي خلّى الجوي أووردز حديث الناس وحديث السوشال وحديث الإعلام
NEWS
الرياض دايم تعرف كيف تخلّي الويكند ما ينسي
الجو في الرياض هالأيام ما يتفوت، ومع فعاليات موسم الرياض الخيارات صارت كثيرة وتناسب كل الأذواق، من الضحك، للطرب، للأكشن
🎭 مسرحية الدور السابع
مسرحية تجمع بين الكوميديا والرعب الخفيف، أحداثها تدور في فندق غريب ومواقفها تضحك وتفاجئ، ووجود إبراهيم الحجاج يعطي العمل نكهة خاصة
📍 المكان: مسرح محمد العلي – الرياض
🗓️ الموعد: من 20 إلى 24 يناير 2026
ضحك وتوتر… والويكند كذا أحلى
🎤 سهرة هيفاء وهبي وأحمد سعد
حفلة مليانة طاقة، استعراض وحضور قوي من هيفاء وهبي، وصوت أحمد سعد اللي يشعل المسرح من أول أغنية
📍 المكان: مسرح محمد عبده أرينا – الرياض
🗓️ الموعد: 23 يناير 2026
ليلة طرب ما تنسى
🤼 المصارعة الحرة العالمية
حماس على أعلى مستوى مع عرض سماك داون، وبعده الحدث الأكبر رويال رامبل، تجربة جماهيرية مختلفة وأجواء نار
📍 المكان: المملكة أرينا – الرياض
🗓️ الموعد: 30 و31 يناير 2026
الهتاف يوصل للآخر
🌍 بوليفارد وورلد
تجربة تجمع ثقافات العالم في مكان واحد، مشي، أكل، عروض، وأجواء تناسب العائلة والأصدقاء
📍 المكان: بوليفارد وورلد – الرياض
🗓️ الموعد: مفتوح يوميًا
لف العالم وانت بمكانك
SHARABLES
بعض المواضيع اللي ممكن تهمك…
NEWS
العُلا مو رحلة… العُلا إحساس يعيش معك
العُلا مو مجرد وجهة…
العُلا تجربة متكاملة تجمع التاريخ، الطبيعة، الموسيقى والهدوء، وتخليك تفصل عن العالم تمامًا. سواء عطلة نهاية أسبوع أو رحلة طويلة، هالقائمة بتخليك تعيش العُلا صح.
«زيارة الحِجر «مدائن صالح
أول محطة ولا يمكن تفوتها. هنا تشوف قبور الأنباط المنحوتة في الصخور، وتتعرف على تاريخ عمره آلاف السنين
:الزيارة تكون
مع مرشد سياحي خاص 🚙
بسيارة خاصة، تنقّل براحتك، وإجابات على كل أسئلتك بدون انتظار
أو مرشد إلكتروني 🎧
جهاز يشرح لك قصة كل معلم، ومعه مرشد سعودي من أهل المنطقة يشرح ويجاوب على أي سؤال
⚠️ الحجز المسبق إلزامي عبر تطبيق تجربة العُلا
وادي عِشار + قاعة مرايا
وادي عِشار لحاله تجربة، لكن قاعة مرايا شيء ثاني تمامًا
أكبر مبنى مغطى بالمرايا في العالم، يذوب مع الجبال اللي حوله. ولو قدرت تحجز حفلة موسيقية داخلها؟
صدقني… تجربة ما تنسى طول عمرك 🎶✨
تجربة المناطيد الهوائية 🎈
تشوف العُلا من فوق، والجبال تحتك كأنها لوحة مرسومة
التجربة محدودة بأوقات معيّنة
وتعتمد على حالة الطقس
📌 تأكد من المواعيد قبل التخطيط، لأنها من أجمل التجارب الصباحية في العُلا
البلدة القديمة
سواء زرتها بالنهار أو بالليل، النتيجة وحدة: تجربة جميلة
بالنهار تشوف تفاصيل البيوت القديمة والنخل والجبال
وبالليل الأجواء تكون هادئة، دافئة، ومليانة روح… كأنك في سوق قديم
جبل الفيل 🐘
يمكن ما فيه فعاليات كثيرة، إلا لو حاب تتعشى أو تتقهوى
لكن كـمشهد؟ ضروري تزوره
تصوير، جلسة هادئة، واستمتاع بالمنظر… وماراح تندم
تجارب تستحق الذكر 👌
🚴♂️ مسار الدراجات حول جبال العُلا
تجربة مختلفة لعشّاق الحركة والطبيعة. تلف بين الجبال بهدوء، هواء نقي، ومشهد يشرح الصدر.
🌌 زيارة الغراميل
وهنا نصل للجمال الصامت.
تشكيلات صخرية غريبة، سماء مليانة نجوم، وألوان خضراء وزرقاء تخطف العين.
لو تحب النجوم:
روح وقت الجو فيه صافي، وتأكد إن القمر مو مكتمل
عشان تعيش مشهد سماوي خرافي ✨
NEWS
اسم ما يُنسى في ذاكرة الأجيال
.إذا قلنا صالح العريض، كثير ناس ترجع لهم ذكريات الطفولة على طول. اسمه ارتبط ببرامج كبرنا معها، وتعلمنا منها، وكانت قريبة من الناس وبأسلوب بسيط
صالح العريض مذيع ورياضي سعودي، قدر يجمع بين الإعلام والتربية والرياضة في وقت واحد. ما كان مجرد مقدم برامج، كان شخص حاضر في بيوت كثيرة، خاصة مع الأطفال
صالح العريض ومواهب وأفكار
أكثر شي يذكر الناس باسم صالح العريض هو برنامج «مواهب وأفكار» البرنامج فتح المجال للأطفال يعبرون عن أنفسهم، ويجربون أفكارهم بدون تعقيد. كثير من اللي تابعوه وقتها يقولون إنه كان مساحة آمنة للتجربة والتعلم
البرنامج ما ركز على الفوز قد ما ركز على المشاركة. هذا اللي خلاه قريب من الناس، وخلّى أثره يستمر لليوم
من الشاشة للرياضة
بعيدًا عن التلفزيون، اشتغل صالح العريض كـ مدرب كاراتيه. درّب لاعبين كثير، وكان له دور واضح في المجال الرياضي. جمع بين الانضباط الرياضي والتعامل الإنساني، وهذا اللي ميّزه كمدرب
ومن المواقف اللي ذكرها بنفسه، الفترة اللي درّب فيها سمو ولي العهد الأمير محمد بن سلمان في الكاراتيه. وصفها بأنها مرحلة مهمة في حياته، وفيها فخر كبير ومسؤولية عالية
تكريم يستاهله
في جوائز جوي أووردز 2026، حصل صالح العريض على جائزة صُنّاع الترفيه الفخرية. الجائزة كانت تقدير لمسيرة طويلة، ما وقفت عند برنامج أو مرحلة وحدة
كلمته في الحفل لامست ناس كثير، وانتشر المقطع في السوشيال ميديا، ورجّع اسمه للواجهة من جديد